kompyuter tarmogʻi

Hisoblash tizimi. U bir necha kompyuter, terminal va boshqa apparat vositalarini oʻz ichiga olib, maʼlumotlar uzatishni taʼminlaydigan aloqa liniyalari bilan oʻzaro bogʻlangan. Kompyuterlar bir biri bilan oʻzaro bevosita yoki oraliq kompyuterlar orqali ulanadilar. Tarmoqning tuzilishi va tarmoq dasturiy taʼminoti imkoniyatlariga qarab, biror kompyuter yoki terminal foydalanuvchisi quyidagi imkoniyatlarga ega boʻlishi mumkin: boshqa kompyuter xotirasida saqlanayotgan maʼlumotlardan foydalanish; oʻzining amaliy dasturini bajarish uchun quvvatliroq kompyuterning markaziy protsessori va uning xotirasidan foydalanish; tarmoqqa qoʻshilgan barcha kompyuterlarning birlashgan resurslaridan foydalanish. Tarmoqlarga misol sifatida avialiniyalar chiptalariga buyurtma berish yagona tizimi yoki bankni va uning turli shaharlarda va hatto, mamlakatlarda joylashgan boʻlimlarini bogʻlovchi tarmoqni koʻrsatish mumkin. Butun dunyoda keng tarqalgan global kompyuter tarmogʻi Internet esa yaqqol misoldir.inglizchacomputer networkruschaкомпьютерная сеть