КОМПОР

тоғ жинсларининг минерал (компонент) таркиби ва ғоваклилигини аниқлайдиган дастур. Жинслар таркибини миқдор жиҳатдан аниқлаш компонент ва физик хусусиятларни ўзаро кўп ўлчамли боғлиқлигини ифодаловчи тенгламалар системасини тузишга асосланган. Физик хусусиятларни аниқлашда асосий ўрин тутувчи геофизик усуллар гамма, гамма-гамма, нейтрон, акустик каротажлар ёрдамида ҳисобланадиган параметрлар: зичлик, водородлилик, шартли гиллилик жинсларнинг компонентлари ва флюиднинг тури б-н узвий боғлиқ. Жинсларнинг компонент таркибида — оҳактош, доломит, қумтош, алевролит, ангидрит, гипс, туз ва гиллар миқдори аниқланади. К. янги тузилган формулалар ёрдамида олинган маълумотларни таҳлил қилиб, автоматик равишда тоғ жинслари таркибига аниқликлар киритади., Компор