{"headword": "КОКАЙДИНСКОЕ НЕФТЯНОЕ МЕСТОРОЖДЕНИЕ", "key": "kokaydinskoe neftyanoe mestorojdenie", "entries": [{"dictionary": {"name": "Neft va gaz sanoati izohli lugʻati", "title": "НЕФТЬ ВА ГАЗ САНОАТИ русча-ўзбекча изоҳли луғат", "kind": "Terminologik", "imprint": "Абидов, Асрор Аббосович; Эргашев, Йўлдошбой; Қодиров, Малик Хафизович (2004). НЕФТЬ ВА ГАЗ САНОАТИ русча-ўзбекча изоҳли луғат. Tashkent: Шарқ» нашриёт-матбаа акциядорлик компанияси Бош таҳририяти.", "url": "https://til.uz/lugatlar/neft-va-gaz-sanoati-ruscha-ozbekcha-izohli-lugat/", "page": "231"}, "pos": "", "labels": [], "variants": [], "etymology": "", "phraseology": "", "pronunciation": "", "senses": [{"order": 1, "text": "", "examples": []}], "translations": [], "cross_references": [], "extra": {"raw_word": "КОКАЙДИНСКОЕ НЕФТЯНОЕ МЕСТОРОЖДЕНИЕ — Кокайди нефть кони", "raw_meaning": "Ўзбекистон Республикаси Сурхондарё вилояти Жарқўрғон ҳудудида, Жарқўрғон шаҳридан 20 км шимолий-шарқда жойлашган нефть кони. Кон рельефи кичик тепаликдан иборат. К.н.к. 1939 йилда қазилган қидирув бурғ қудуғини синаш вақтида палеоген ётқизиқларида очилган. Нефть захиралари палеогеннинг бухоро яруси ётқизиқларидаги учта нефтга тўйинган I, II, III горизонтлар билан боғлиқ. I горизонт бухоро ётқизиқларининг юқори қисмида жойлашган бўлиб, кам доломитлашган, дарзли оҳактошлардан таркиб топган. II горизонт бўш оҳактошлардан иборат, I горизонтдан зич ангидрит қатлами билан ажралиб туради. III горизонт эса бухоро ётқизиқларининг ўрта қисмида жойлашган, асосан, ангидрит қатламчалари билан қатланадиган оҳактошлардан иборат. Кокайди структураси асимметрик тузилишга эга, шимолдан шарқ томон чўзилади. Структуранинг жанубий-шарқий қаноти шимоли-ғарбийсига нисбатан тик. Кокайди структураси 1204—1280 м чуқурликда маҳсулдор қатламларда ажратилган, ўртача қалинлиги 56,4 м, самарали қалинлиги 16 м, жинсларнинг ғоваклилиги 0,15—0,21, нефтга тўйинганлиги 0,80, ўтказувчанлиги 0,2 мкм². Бошланғич қатлам босими ва ҳарорати мос равишда 13 МПа ва 560°С га тенг. Кон нефти оғир, юқори смолали ва олтингугуртли, зичлиги 940 кг/м³, қовушқоқлиги 129 мПа·с, ҳажмий коэффициенти 1,06, эриган газ миқдори 1—2 м³/т. Нефть таркибида (ўртача миқдори %да): олтингугурт — 2,7—4,0; асфальтен — 4,8—5,5; акциз смолалар — 64,0—74,0; парафин — 3,1—3,4. Маҳсулдор горизонтлардаги сувлар кам тузли, умумий туз миқдори 96,6—110,4 г/л, хлоркальцийли зичлиги 1067,6—1086,0 кг/м³. Бошланғич нефть баланси — 12492 минг т; бошланғич олинадиган нефть — 3747 минг т. Кон 1939 йилдан бошлаб саноат миқёсида ишлатилиб келинмоқда, 2002 йилнинг январигача конда 84 та қудуқ қазилган. Кондан (01.01.2002 йилгача) 3382,9 минг.т нефть олинган бўлиб, эришилган жорий нефть бера олишлик коэффициенти 0,271 га тенг."}}]}