КОЭФФИЦИЕНТ СЛОЖНОСТИ

нефтли (газли) майдонда жойлашган жинс-коллектор ва жинс-ноколлекторлар орасидаги чегара узунлигининг майдон периметрига (узунлигига) бўлган нисбати. М.к. ($К_м$) узуқ-узуқ, фациал ўзгарувчан қатламлар тузилишининг мураккаблигини ўрганиш ва баҳолашда ишлатилади: $К_м = П_{кн} / П_у$, бунда $П_{кн}$ — жинс-коллекторларнинг жинс-ноколлекторларга уланиш чегарасининг периметри (узунлиги); $П_у$ — уюм периметри. Турли таркибли, узуқ-узуқ тузилишли қатламларда М.к. қиймати қудуқлар тўри зичлигининг (қудуқлар сонининг) ошиши билан доимо камайиб боради. Лекин, айрим ҳолларда нефт-газ чиқарувчи қудуқлар сонининг ошиши ҳам қатламларнинг ўзгарувчан параметрлари тафсилотини очиб беришга имкон бермайди., Мураккаблик коеффициенти