КИСЛОТНАЯ ОБРАБОТКА СКВАЖИН

karbonat jinslarni, qumtoshlarni va boshqa jinslarni kislotalar yordamida eritish, natijada quduq tubi atrofida boʻshliqlar, yemirilish kanallari hosil qilish, quduq tubini tuz choʻkmalari, loy, sement va boshqa iflosliklardan tozalash. Ular ichida texnologiyasining soddaligi, qoʻllanish koʻlamining kengligi va yuqori samaradorligi bilan tavsiflanadigan xlorid kislotali ishlov berish keng qoʻllaniladi. Quduqlarga xlorid kislotali ishlov berishda suvda yaxshi eruvchi tuzlar (CaCl₂ va MgCl₂), suv va karbonat angidrid gazi (CO₂ — gaz yoki suyuqlik koʻrinishida) hosil boʻladi. Ohaktosh va dolomitga taʼsir etishdagi asosiy reaksiyalar quyidagicha ifodalanadi: CaCO₃ + 2HCl = CaCl₂ + H₂O + CO₂; CaMg(CO₃)₂ + 4HCl = = CaCl₂ + MgCl₂ + 2H₂O + 2CO₂. Quduqlarga kislotali ishlov berish texnologiyasiga koʻra quyidagi turlar ajratiladi: kislotali vannalar (quduq tanasini tozalash maqsadida kislota qatlamga haydalmaydi); oddiy kislotali ishlov berish (kislota qatlamga haydaladi); bosim ostida ishlov berish (kislota qatlamga pakerdan foydalanib jadal haydaladi); oraliqma-oraliq (zinasimon) ishlov berish (qatlamga kislotani kirish joyi boshqariladi) va b. Kislotali eritma turi va tarkibi jins-, Quduqlarga kislotali ishlov berish