киндик

kindik

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

киндик И

от 1. анат. Қориндаги болани ёʻлдош (плацента) орқали она танаси билан бирлаштирувчи, болани озиқ моддалари билан таъминлаш учун хизмат қилувчи ичак-най.

Учқуннинг киндигини кесганда, Тозагул кўзларини юмиб, қалт-қалт титраб турди. — Ҳ. Ғулом, Машъал

2. Бола туғилгач, шу ичак-найни кесиб ташлаш натижасида қорин ўртасида ҳосил бўлган кичик чуқурча; қориннинг ўрта қисми.

У [Соли совуқ] шошиб-пишиб Азимбойваччани кўкрагидан итарган эди, Азим унинг киндигига ўхшатиб тепди. — М. Исмоилий, Фарғона тонг отгунча

3. кўчма Марказ, ўрта.

— Даштнинг киндиги мана шу ер, — деди Ўктам. — Ойбек, Олтин водийдан шабадалар

Мана, уч йилдирки, Марказий Фарғона киндигида гўзаллик яратяпмиз. — Газетадан

Киндик қони тўкилган ер (ёки жой, тупроқ) Туғилган ер, туғилган, ўсган жой; ватан. Сафаргалдига бу қумлар чақалоқ вақтидан ошна. Қорақумда унинг киндик қони тўкилган. — Ж. Шарипов, ХоразмКиши қаригандан кейин киндик қони тўкилган жойини қўмсаб қоларкан. — Б. Раҳмонов, Олтин одамлар

киндик ИИ

от Дорбоз юрадиган арқоннинг ўртароқ жойидан кўтариб турувчи икки ёғоч учларининг бир-бири билан, шунингдек, арқон билан туташган, кесишган жойи.

Уни [дорбозни] киндикдан киндикка, чиғириқдан чиғириққа ёʻрғалатиб, саломат олиб чиқувчи нарса унинг қўлидаги лангари! — Шукрулло, Жавоҳирлар сандиғи

Мақоладаги хато ҳақида хабар бериш