кескир

сфт. 1. Яхши кесадиган, тиғи ўткир.

Сарғиш суяк сопли кескир пичоқ унинг кўз ўнгидан ўтди. — С. Анорбоев, Оқсой

Остингда юз алвон ўйнайди отинг, Белингда ярқирар кескир пўлатинг. — Алпомиш

2. кўчма. Шу белгига нисбатни билдиради; ўткир.

Ўткир кўзи муштумзўрнинг бағрин санчардай, Кескир сўзи синфий кўрнинг қалбин янчардай. — Миртемир

Йигитларнинг қараши кескир, Қайтаради қилич дамин ҳам. — М. Али, Гумбаздаги нур