келиб-келиб

Одатда, ўйланмаган, хаёлга келмаган ва шу билан бирга маъқул бўлмаган иш-ҳаракат, воқеа, ҳодиса ҳақида эканликни қайд этади; охири, ниҳоят.

Келиб-келиб тўй куни қор ёғди.

— Мана, бекачим, — деди кулиб Тўйбека. — Анови кунги ёш меҳмонни сенга мақтасам, аччиғландинг, аммо келиб-келиб букун сени ўшанга бердилар. — А. Қодирий, Ўтган кунлар

[Ғофир:] Мен ҳали ҳасратимни, дардимни келиб-келиб сизларга айтдимми? — Ҳамза, Бой ила хизматчи

Жуман кутилмаган саволдан ўзини ёʻқотиб қўйди. Нега келиб-келиб менга тиқилинч қиляпти, дегандек атрофдагиларга аланглаб олди — А. Мухтор, Туғилиш