келгуси

сфт. 1. айн. Келаси.

Келгуси йил. Келгуси ҳафта.

Робия хола келгуси дам олиш куни уларни ўз боғига таклиф қилди. — Н. Сафаров, Танланган асарлар

2. айн. Келажак.

Сизлар келгусида маданиятли, билимдон кишилар бўласиз. — П. Турсун, Ўқитувчи

Чўлни ҳозирги ҳолга келтиргунча биз чеккан машаққатларни келгуси авлодимиз тасаввур ҳам қилолмайди. — Ш. Рашидов, Янги ер ҳақида сўз

3. кам қўлл. Кейинги, навбатдаги.

Улар уч-тўрт қадам юришлари билан, соя яна олдинга ўтиб кетар, келгуси симёғочгача яқинлашган сайин орқага чекинар эди. — Ў. Ҳошимов, Қалбингга қулоқ сол.