kattalik
катталикkattalik
ot 1. Hajm, koʻlam, daraja va shu kabilar jihatdan meʼyoridan ortiqlik; katta holat.
Hovuzning kattaligi. Yutuqning kattaligi. Vazifaning kattaligi. Yosh jihatdan kattalik.
Ketmonning vaznidan qatʼiy nazar, ketmonning bet kattaligini yerga chizib koʻrsatdi. — A. Qodiriy, Obid ketmon
- Nima qildi, haqiqat oldida mening kichikligim, sizning kattaligingiz bari bir emasmi? — dedi Elmurod. — P. Tursun, Oʻqituvchi
2. Oʻzini oʻzgadan yuqori tutish; manmanlik.
Kattalikni bilmas bir yaxshi odam, Saxiylikda yoʻlda qolibdi Hotam. — Fozil shoir
- Kattalik qilmoq Oʻzini katta olmoq, hammani ishga buyurmoq, xoʻjayinlik qilmoq. Xalq oldida mening obroʻyimni bir pul qilib kalaka qilishga kim huquq beribdi unga?! Kattaligini qiladiganiga qilsin. — P. Tursun, Oʻqituvchi