катталик

kattalik

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

катталик

от 1. Ҳажм, кўлам, даража ва шу кабилар жиҳатдан меъёридан ортиқлик; катта ҳолат.

Ҳовузнинг катталиги. Ютуқнинг катталиги. Вазифанинг катталиги. Ёш жиҳатдан катталик.

Кетмоннинг вазнидан қатъий назар, кетмоннинг бет катталигини ерга чизиб кўрсатди. — А. Қодирий, Обид кетмон

- Нима қилди, ҳақиқат олдида менинг кичиклигим, сизнинг катталигингиз бари бир эмасми? — деди Элмурод. — П. Турсун, Ўқитувчи

2. Ўзини ўзгадан юқори тутиш; манманлик.

Катталикни билмас бир яхши одам, Сахийликда ёʻлда қолибди Ҳотам. — Фозил шоир

Катталик қилмоқ Ўзини катта олмоқ, ҳаммани ишга буюрмоқ, хўжайинлик қилмоқ. Халқ олдида менинг обрўйимни бир пул қилиб калака қилишга ким ҳуқуқ берибди унга?! Катталигини қиладиганига қилсин. — П. Турсун, Ўқитувчи