kasod
касодkasod
sft. 1. Talab yoki xaridor yoʻqligi tufayli savdo-sotiq, kasb-hunar va shu kabilarning toʻxtab qolish, yurishmaslik, tovarning oʻtmaslik holati.
Nima qilib zerikib oʻtiribsiz, savdo kasodmi? — Oybek, Bolalik
Kasb-kori kasod boʻlgan usta Zamonning tirikchiligi yana ogʻirlashib qoldi. — Sh. Toshmatov, Erk qushi
Yigitali, magazinda KOOP [kooperativ] uni koʻpayib ketgach, tegirmoni kasod boʻlib, uyda oʻtirib qolgan otasi hozir pensiyadaligini eshitgan edi. — D. Nuriy, Osmon ustuni
Bandayi, yorab, Muqimiydek boʻlib xor-u kasod, Sud-u savdodin qolib, bozoridin ayrilmasin. — Muqumiy.
2. shv. Kasofat, zarar.
Uyquning kasodi koʻpdir kishiga, Buvishim, gʻaflatdan koʻtar boshingni! — Ravshan
- Bozor kasod Bozorda mollarning yoki baʼzi mollarning sotilmayotganlik holatini, oʻtmayotgan (ketmayotgan)ligini bildiradi. Bozor kasod, mol-tuyoqning narxi pastlab ketgan. — Sh. Toshmatov, Erk qushiBozorlar kasod boʻlib, hech kim uzangini oʻz narxiga ham soʻramay qoʻydi. — M. Muhammadjonov, Turmush urinishlari
- Kasod mol Sotilmay (oʻtmay) yotgan mol. Shu oyda [Ramazon oyida] barcha doʻkondorlar to sahargacha savdo-sotiq qilar kasod mollarini kechalari pullar edi. — M. Muhammadjonov, Turmush urinishlari