karta

ot 1. Yer sathining, boshqa osmon jismlari yoki osmon gumbazining qogʻoz, taxta kabi tekislikka chizilgan shartli tasviri; xarita.

Geografik karta. Maʼmuriy-siyosiy karta. Yulduzlar kartasi.

Olimlar karta — dunyoning fazoviy, tasviriy obrazidir, deb taʼrif berishgan. — Fan va turmush

Jonajon oʻlkamiz va notanish yurtlarni oʻrganish maqsadida karta boʻylab qanchadan-qancha sayohat qilganmiz. — Fan va turmush

2. Har biri oʻziga xos rangi, tasviri, xoli, ochkosi bilan farqlanuvchi toʻgʻri toʻrtburchak shaklidagi oʻyin qogʻozlari dastasi va ular vositasida boʻladigan oʻyin; qarta.

Baʼzan kartani besh kishi boʻlib oʻynashardi. Yo. Hayimov, M. — Rahmon, Hayot-mamot

Poyezd Yangiyoʻldan oʻtmasdanoq yonveridagi kupeda ketayotgan kishilar Salimxonni koʻrib qolishib, birin-sirin kirib, kupe toʻldi. Karta oʻyini boshlanib ketdi. — Mirmuhsin, Umid

3. Biron-bir maʼlumot(lar) bilan toʻldiriladigan blank, varaqa.

Sanatoriya-kurort kartasi.

4. maxs. Ichida magnitli axborotlar yozilgan va turli hisob-kitoblar uchun foydalaniladigan toʻgʻri toʻrtburchak shaklidagi guvohnoma, hujjat.

Kredit kartasi.

ot Yerning, dalaning alohida, toʻgʻri toʻrtburchak shaklida ajratilgan boʻlagi, bir boʻlak dala.

Traktor brigadasi bugun Shirinbuloq uchastkasidagi soʻnggi kartalarning shudgorini tamomlaydi. — Y. Shamsharov, Orzigul Toʻraboyeva

jo‘g‘rofiy va b. Karte f, Weltkarte f