КАРТА ПОРИСТОСТИ ПЛАСТА

bir xil gʻovaklilikka ega boʻlgan nuqtalarni tutashtiradigan izochiziqli qatlam xaritasi. Har qaysi burgʻu qudugʻidan olingan namunalarni tahlil qilish asosida maʼlum nuqtada oʻrtacha gʻovaklilik aniqlanadi. Olingan natijalar xaritada har qaysi quduq oldiga tushiriladi. Soʻngra quduqlar oraligʻi interpolyatsiya qilinib alohida nuqtalarda gʻovaklilik foizda (10, 15, 25, 30% h.k.) aniqlanadi. Bir xil gʻovakli nuqtalar tutashtirilib qatlam kollektorlarining gʻovaklilik xaritasi tuziladi. Jinslar gʻovakliligi zarralarning oʻzaro sementlanganlik darajasiga bogʻliq. Sementlanish kuchli boʻlsa gʻovaklilik kamayadi. Shunga koʻra gʻovaklilik xaritasi kollektorlarning sementlanish darajasini ifodalaydi. Baʼzi bir maydonlarda jinslar qattiqligi uni sementlaydigan moddalar (kvarsli, ohaktoshli va boshqa sementlar) tarkibi bilan aniqlanadi, shunga koʻra tuzilgan xaritalar togʻ jinslarining burgʻilanish qattiqligi toʻgʻrisida maʼlumot beradi., Qatlamning gʻovaklilik xaritasi