КАРОТАЖ ЯДЕРНО-МАГНИТНЫЙ (ЯМК)

жинсларнинг ядро-магнитли хусусиятларини ўрганадиган усул. ЯМК водород ядроларининг эркин ҳаракати сигналини ўрганишга асосланган. Ядро элементларининг магнит ва механик моментлари борлиги ЯМКда муҳим. Ташқи магнит майдони мавжуд бўлмаганида ядронинг магнит моменти тартибсиз жойлашади ва магнит моментининг умумий йиғиндиси нолга тенг. Ядро кучланиши $H_0$ магнит майдонига жойлаштирилса, магнит кучлари магнит моментни шу майдон йўналиши бўйича ҳаракатлантиради. Моддаларда ядро магнитланиши ҳосил бўлади. Ташқи таъсир йўқотилганда маълум бир вақт ўтгандан сўнг ядроларнинг ўлчаш мумкин бўлган эркин ҳаракати бошланади. Унинг амплитудаси ва релаксацияси вақтини аниқлаш учун эркин ҳаракат сигнали 2—3 марта вақт ўтказилиб ўлчанади. Ўлчов маълумотларидан фойдаланиб эркин флюид индекси — ЭФИ аниқланади. ЭФИ бирлигидаги ЯМК маълумотига қудуқ диаметри қиймати, гил қобиқ қалинлиги ва бошқа таъсир этувчи омилларга уларнинг қийматлари ёрдамида тузатишлар киритилса, самарали ғоваклилик коэффициенти, нефть чиқариб олиш коэффициенти ва ўтказувчанлик коэффициентини аниқлаш мумкин бўлади. ЯМК асбоби кенг қўлланилади. Yadro-magnit karotaji (YAMK)