КАРОТАЖ ГИДРОДИНАМИЧЕСКИЙ (ГДК)

Гидродинамик каротаж (ГДК) — нефт ва газ учун бурғиланаётган қудуқлар кесимидаги қатлам босимларини ва ўтказувчанлигини ўрганиш усули. Қатламдан чиқаётган флюид оқимини кўп марта жўшлантириш ва босим диаграммаларини қайд этиш натижасида уларни нефт-газга тўйинганлигини ўрганиш жараёни давом этади. Махсус қурилмалар ёрдамида депрессия қиймати ўзгартирилади ва флюиднинг 15—20 намунаси олинади. Намуналар орқали флюидлар контакти ва коллекторларнинг самарали қалинлиги аниқланади. ГДК аппарати ёрдамида ҳар 0,2 м дан намуналар олинади. Аппаратлардан АГДК—42, АИПД амалиётда ишлатилади.