КАПТАЖ ПОДЗЕМНЫХ ВОД

Yer osti suvlari kaptaji — yer osti suvlari va namakoblaridan foydalanish moslamalari sistemasi. Ye.o.s.k. qulay texnikaviy iqtisodiy sharoitlarda kerakli miqdordagi va sifatdagi yer osti suvlari va namakoblarini olish imkoniyatini beradi. Ye.o.s.k. suv chiqarish inshootining texnik vositasi, yaʼni yer osti suvlari va namakoblaridan foydalanish qurilmasidir. Buloq kaptaji va suvli gorizontlar kaptaji ajratiladi. Yer osti suvlarining yer yuzasiga tabiiy chiqish joyini jihozlash buloq kaptaji deb ataladi. Yer osti suvlarining tabiiy chiqish joylari bor-yoʻqligidan qatʼiy nazar suvli gorizontlar kaptaji quriladi, yaʼni yer osti suvlari va namakoblari yer yuzasiga sunʼiy ravishda chiqariladi. Bunday kaptajning eng asosiy elementi — burgʻu qudugʻidir. Koʻpincha, izlov va qidiruv quduqlari kondan foydalanish chogʻida ishlatish qudugʻi sifatida ishlatiladi. Favvora boʻlib chiqadigan yer osti suvlari va namakoblaridan foydalanish iqtisodiy jihatdan samaralidir.