kanallarni kommutatsiyalash

Kompyuter tarmoqlarida maʼlumotlarni uzatish usuli. U har bir juft foydalanuvchilarga tarmoq kanallari ketma-ketligini yakka tartibda ishlatish uchun taqdim qilishni taʼminlaydi. Kanallarni kommutatsiyalashning klassik sxemasida fizik pogʻona funksional bloklari va kanallarni kommutatsiya bogʻlamalarining yoki aralash kommutatsiya bogʻlamalarining fizik jarayonlari ishtirok etadi. Natijada ulanishning fizik vositalari orqali toʻgʻridan toʻgʻri kommutatsiya amalga oshiriladi. Bunda oʻzaro ishlovchi foydalanuvchi tizimlari yoki maʼmuriy tizimlar orasida mantiqiy kanallar ketma-ketligi hosil boʻladi. Ular orqali amaliy jarayonlar bir-biriga maʼlumotlar bloklarini uzatadilar. Shu yoʻl bilan hosil boʻlgan ketma-ketlik, u orqali oʻzaro ishlashdagi bir juft foydalanuvchilar tomonidan yakka tartibda ishlatiladi. Kanallarni kommutatsiyalashning paketlarni kommutatsiyalashga nisbatan ijobiy tomoni shundaki, bu maqsadda ishlatilayotgan bogʻlamalar nisbatan arzon tushadi. Bundan tashqari, seans davomida uzatilayotgan barcha maʼlumotlar bloklarini oluvchiga bogʻlamalar va kanallarning tezlik tavsifnomalari bilan belgilanadigan, hamda vaqt boʻyicha bir xil kechikish bilan yetkaziladi. Bu kommunikatsiya tarmogʻi orqali nutqni uzatishni osonlashtiradi.inglizchacircuit switchingruschaкоммутация каналов