камертон

от 1. физ. Учлари эркин тебранадиган қилиб маҳкамланган айрисимон металл таёқча шаклидаги асбоб (товуш манбаи).

Товуш ҳодисаларини ўрганишда товуш манбаи сифатида кўпинча камертондан фойдаланадилар. А. В. — Пёришкин, Физика курси

Бир жисмдан чиқиб тарқалган товушнинг бошқа жисмга урилиб, тебраниш ҳосил қилиши резонанс ҳодисаси дейилади. Камертонларнинг резонансланиши бунга яхши мисол бўла олади. — Ў. Ҳошимов, Қалбингга қулоқ сол

2. мус. Маълум баландликка эга бўлган ва аниқ товуш берувчи, чолғучилик амалиётида чолғу асбобларини созлашда ишлатиладиган кичик бир асбоб (товуш баландлиги эталони бўлиб хизмат қилади).