каллаварам

сфт. 1. Ақл билан эмас, ўйламасдан, пала-партиш иш қиладиган (шахс).

[Қодиров:] Сен мени каллаварам деб ўйлама, ҳа. Қодиров ўз ақли билан ишлайдиган раис. — Ш. Рашидов, Бўрондан кучли

Сен ҳам каллаварам экансан-да, харидорларнинг уст-бошига, афт-башарасига қараб муомала қилмайсанми?! — Н. Қобил, Унутилган соҳиллар

2. Шундай шахсга нисбатли муносабатни билдиради.

Норматнинг эсига лоп этиб боя айтган гапи тушди. Эҳ, каллаварам. Нималар дединг ўзи? — М. Ҳазратқулов, Журъат