каллак

от 1. Дарахт танасининг шох-бутоқлари кесиб ташланган юқори қисми, кесилган шохи, бутоғидан қолган қисми.

Аброр, ўғлим, ана у беҳининг каллагига газета қистириб қўйган эдим, шуни олиб кел. — А. Қаҳҳор, Асрор бобо

Подишонинг дори шу Гулистон шаҳрининг бир чеккасида, каллак тутга яқин жойда эди. — Муродхон

2. Бирор нарсанинг бош қисми.

Силиндрлар каллаги. Ракетанинг ядроли каллаги.

3. махс. Кулолчиликда идиш ва бошқалар ясашда ишлатиладиган мослама — чархнинг лой қўйиладиган жойи.

Кулол чарх каллагига қўйган гумбаз-лойдан идиш ясаб, олмадек ортиб қолганини ташлаб юбормай, ҳуштак ясайди. — Мирмуҳсин, Меъмор