кафил
kafilкафил
от Бирор нарсага ёки бирор кимса ҳақида бошқаларни ишонтириб, масъулиятни, жавобгарликни ўз устига олувчи, кафолат берувчи шахс.
Мен Эргашнинг яхши дўст бўла олишига кафилман. — А. Мухтор, Опа-сингиллар
Сўрасангиз, Ҳожихон бермаганда ҳам, олиб беришга мен кафил. — А. Қодирий, Ўтган кунлар
- Кафил бўлмоқ (ёки турмоқ) Ишонтириб, масъулиятни, жавобгарликни ўз устига олмоқ. Ҳамма мол ва мулки билан қутидор Отабекка кафил бўлди ва қушбегининг ҳақига дуо қилиб, учовлари маҳкамадан биргалашиб чиқишди. — А. Қодирий, Ўтган кунлар
- Кафилга бермоқ Бировга ишониб, айбланувчини унинг жавобгарлигига, зиммасига топширмоқ. Волостной Муҳаммадкарим билан Аҳмад соқовни кафилга бериб бўшатинглар деди-ю, тарвузи қўлтиғидан тушган кишидай бўшашиб кўздан ғойиб бўлди. — М. Ўринхўжаев, Унутилмас кунлар
- Кафилга олмоқ Жавобгарликни ўз устига олиб, айбланувчини қутқармоқ, ажратиб олмоқ. — Ҳой, ана маҳалла, шу жўжабирдай болаларининг ҳаққи-ҳурмати, майли, кафилга олайлик, — деди Обид ота. — Газетадан
- Кафилини олмоқ Масъулиятини, жавобгарлигини ўз устига олмоқ. Ўша кезларда қурилиш бригадасининг кафилини олганлиги учун биринчи бўлиб бу ишга бош қўшишга тўғри келди. — Таниш башаралар