kadrlarni qayta uzatish

Apparat taʼminoti yordamida maʼlumotlarni tezkor kommutatsiya texnologiyasi. Kadrlarni qayta uzatish texnologiyasi Bell laboratoriyasi tomonidan taklif qilingan. U tez paketlar deb ataluvchi paketlarni toʻgʻridan toʻgʻri kommutatsiyasidan iborat boʻlib, oʻz-oʻzini apparat bilan marshrutlashni taʼminlaydi. Oʻz navbatida bunday marshrutlash har bir kommutatsiyasini birlashtiruvchi bogʻlamadan oʻtayotgan kadrlarni qabul qilish manzillari boʻyicha taqsimlashni taʼminlaydi. Xatoliklar paydo boʻlgan kadrlar yoʻq qilinadi. Shu bilan birga, yuqori tezliklarga erishish maqsadida, oraliq kommutatsiya bogʻlamalarida maʼlumotlarning inobatliligi va butligi nazorat qilinmaydi. Bu amal oxirgi kommutatsiya bogʻlamalari zimmasiga tushadi. Ular ulanishlarni kanal boʻgʻinida amalga oshiradilar, virtual kanallar orqali maʼlumotlar oqimini boshqaradilar, xatoliklarni topib tuzatadilar. Qayta uzatish kam sonli xatoliklar bilan ishlaydigan kommunikatsiya tarmoqlarida ishlatiladi. Kadrlarni qayta uzatish maʼlumotlarni haqiqiy vaqtda uzatishni taʼminlaydi.inglizchaframe relayruschaретрансляция кадров