kadr
кадрkadr I
ot 1. Kinoplyonka yoki fotoplyonkadagi alohida-alohida suratlardan biri; bitta surat, yakka rasm.
Kunlar kino lentasining kadrlari singari bir-biridan farqsiz, ammo hayotda yangidan-yangi manzaralar vujudga keltirib oʻtar edi. — A. Qahhor, Sarob
2. Kinofilmning ayrim bir koʻrinishi, bitta epizodi.
Badiiy film kadrlari.
Mahdi dastlabki kadrni koʻrishi bilan bir toʻlgʻandi, oʻrnidan turmoqchi boʻldi. — S. Siyoyev, Yorugʻlik
- Kadrlar boʻlimi Korxona yoki muassasaning ishga qabul qilish, ishdan boʻshatish va shu kabilar ishlarni boshqaruvchi boʻlimi.
kadr II
ot 1. Korxona, muassasa va shu kabilarning maxsus tayyorgarlikka ega boʻlgan xizmatchi, ishchi va xodimlari.
Kadr yetkazib bermoq. Kadr tayyorlamoq. Hamma narsani kadrlar hal qiladi.
— Bu kishi shunaqa, oʻrtoq Toʻqsonov, — deb toʻngʻilladi Tojiboy, — Ilmim bor kadrman deb, bizniyam nazarga ilmaydi. — P. Tursun, Oʻqituvchi
2. harb. Haqiqiy xizmatdagi komandirlar va oddiy askarlar tarkibi.