kabel

Maʼlumotlarni uzatish uchun moʻljallangan izolyatsiya qilingan oʻtkazgich yoki oʻtkazgichlar guruhi. Ishlatilayotgan fizik muhitga qarab, kabellar ikki guruhga boʻlinadi. Birinchi guruhni yassi kabellar, oʻrama juft va koaksial kabellar tashkil qiladi. Ularda metall, aksariyat holda, mis orqali elektr signallari uzatiladi. Koaksial kabellar eng qimmatbaho boʻlib, signallarni katta tezlikda uzata oladi va ular shovqindan yaxshi muhofazalangan. Ikkinchi guruhga yorugʻlik uzatuvchi optik kabellar kiradi. Ularning asosini elektromagnit shovqinlardan ideal muhofazalangan yorugʻlik uzatgichlari tashkil qiladi. Optik kabellar koaksial kabellardan qimmatroq boʻlib, ular yuqoriroq tezlikda maʼlumot uzatishni taʼminlaydilar.inglizchacableruschaкабель