juvon

ot 1. Erga chiqqan, ammo hali yosh ayol.

Toʻxta xola atrofga olazarak qarab turgan edi, oʻrta yashar bir juvon kelib qoldi. — I. Rahim, Chin muhabbat

Yoshi ortib borayotgan har bir qiz, har bir juvon singari, Toʻraxon ham bola koʻrishni xohlar edi. — M. Ismoiliy, Fargʻona tong otguncha

2. Erdan chiqqan yoki tul qolgan xotin.

[Qutidorning] Bordi-keldi bitta juvon qizi bor-ku, muncha, toʻyni boshqa, nikohni boshqa qilamiz, deganiga hayronman [dedi birinchi kishi]. — A. Qodiriy, Oʻtgan kunlar

Juvon olmay, qiz oling: Qizning qiligʻi yaxshi. — Oq olma, qizil olma.

3. Iffatini yoʻqotgan qiz.

— Qizmi, juvonmi, Gulnormi — bar bir, men dadamning yosh xotin olishini xohlamayman, — dedi Salim. — Oybek, Tanlangan asarlar