jun

жун

1 ta lugʻatda: Izohli yana 5 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

jun

ot 1. Hayvon yoki kimsa badanini qoplagan qalin tuk, moʻy, yung.

Juni mayin qoʻy. Qoʻylarning junini olmoq. Ot agʻnagan yerda jun qolar. — Maqol

U qoʻraga kirib ketdi-da, junlari oʻsiq, oriq bir echkini yetaklab chiqdi. — S. Siyoyev, Yorugʻlik

Xon boʻksasini koʻtardi, tuya junidan qilingan yumshoq bolishga suyandi. — S. Siyoyev, Avaz

2. Asosan qoʻy, echki, tuyadan qirqib olingan shunday yung, moʻy.

Professorning har bir soʻzi uning uchun tilladay qimmatbaho Yoʻq, ipakday mayin gʻaram-gʻaram jun olish tilsimining kaliti edi. — S. Anorboyev, Oqsoy

3. Jundan tayyorlangan uy-roʻzgʻor buyumi.

Xotin boshidagi jun roʻmolini oldi-da, bir-ikki qoqib, yana oʻradi. — M. Ismoiliy, Fargʻona tong otguncha.

Bola-chaqa poʻstakning junini yeydimi? Kasal boʻlib qolsam, nima boʻladi? Biron ofat kelib qolsa, nima boʻladi? Bola-chaqa poʻstakning junini yeydimi? Akam boʻlmasa, ukam boʻlmasa. — A. Qahhor, Qoʻshchinor chiroqlari