жума

от 1. Ҳафтанинг, душанбадан ҳисоблаганда, бешинчи куни.

Бугун жума.

Урушдан ярадор бўлиб келган Содиқжон деган йигит ўтган жума куни самоварга келиб, урушда кўрганларидан анча гапириб берди. — А. Қаҳҳор. Асрор бобо.

2. Бир қатор мусулмон мамлакатларида ҳафтанинг олтинчи, дам олиш куни.

[Ёʻлчи] Вақт-соат, жума, байрам, ҳайит нима эканини билмасдан ишлади. — Ойбек. Танланган асарлар.

3. Шу куни ўқиладиган намоз.

Ошни еб бўлганларида, у ёқ-бу ёқдан жума товуши кела бошлаган эди. — А. Қодирий, Ўтган кунлар

4. Жума (эркаклар исми).