жойлашмоқ

фл. 1. Ўтирмоқ; ўрнашмоқ, жой эгалламоқ; сиғмоқ.

Хотинлар қий-чув билан етти аравага жойлашди. — Ойбек, Танланган асарлар

Стансиянинг идораси, почта ва телеграф иккита кўк вагонга жойлашган. — А. Қаҳҳор, Олтин юлдуз

Эсон-омон жойлашиб олгач, овқатланиш ва бегона шаҳарни бир айланиш ниятида ташқарига чиқдим. — Х. Тўхтабоев, Ширин қовунлар мамлакати

2. Ер юзаси, текислик ёки фазода маълум вазият, жой олмоқ, жойланмоқ.

Мактаб чорраҳада жойлашган эди. — С. Зуннунова, Янги директор

Магазин мактабга қатнайдиган ёʻлимиз чеккасига жойлашган. — Муштум

Катта ёʻл ёқасида комплекснинг маъмурий биноси жойлашган. — Газетадан

3. Ўтирмоқ, чўкмоқ.

У [Шерзод] тарелкасини олиб, чол ўтирган столнинг бир чеккасига жойлашди-да, энди ўртадаги нонга қўл узатган эди, тўсатдан чолнинг қошиғи стол тагига тарақлаб тушди. — Ў. Ҳошимов, Нур борки, соя бор.

4. Кирмоқ, ўрнашмоқ.

Ўқишга жойлашмоқ. Ишга жойлашмоқ.

Мактабда домланинг тарафдорлари ҳам бор эди. Буларнинг кўплари мактабга домла воситаси билан жойлашган эди. — П. Турсун, Ўқитувчи

фл. Жойламоқ феълининг биргалик нисбати.

Олмаларни яшикларга жойлашди.