жўра

joʻra

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

жўра И

1. Ошна-оғайни, ўртоқ

Қарағай кесдик тогда, Сувлар оқади сойда, Биз мунда қараб қолдик, Ёру жўрамиз қайда? — "Оқ олма, қизил олма"

Бизҳамбир жўрамиз билан нима иш бўлса қиламиз, деб Тошкентга келган эдик — П. Турсун, Ўқитувчи

2. "Гап", "тўкма" қатнашчилари, улфатлар (бир-бирига нисбатан)

Мана шу вақтгача жўраларнинг сони ҳамон ўша — тўққиздан ортмайди — А. Қаҳҳор, Сароб

3. "Ўртоқ" маъносидаги мурожаат шакли

Аҳмаджон ундан секин: -Жўрам, қаёққа ке-таётибмиз? — дебсўради — А. Қаҳҳор, Олтин юлдуз

4. Жўра (эркаклар ва хотин-қизлар исми)

жўра ИИ

Бир кийимли икки бўлакдан иборат ипакли мол (беқасам, атлас, шойи ва ш. к)

Мен келтирган атласни Ёрим солмас сандиққа. Минг жўраси арзийди Шу зарбдор дўндиққа — "Қўшиқлар"

-Бир жўра атлас у ёқда ўттиз сўм, — деди Туроб Усмонга — О. Ҳусанов, Қўшиқчининг такдири

Сенга бир жўра беқасам олиб қўйдим — А. Қаҳҳор, Қўшчинор чироқлари