jingirtob

жингиртоб

1 ta lugʻatda uchraydi JSON Shevalarda Barcha qidiruv natijalari

Izohli lugʻat

jingirtob I

ot Jazirama oftobda yoki oʻtda obdan qizigan, qaqragan, qayishgan, qovjiragan

Nusratbek oʻq ariq yoqasidagi gulxayrilarga tikilib qaradi. Yaproqlari jingirtob, tugmasimon gullari ilma-teshik. — S. Nurov, Narvon

Jingirtob qilmoq Qiynamoq, ozdirmoq. Ayriliq azobi Haqqul otani jingirtob qilib, shu kecha uxlamasdan figʻon chekib chiqdi. — H. Nazir, Suv gadosi — oqpadar

jingirtob II

ot Birdan koʻtariladigan, oʻta nishab, tik.

Oʻktam rang-barang mayda toshlar bilan toʻla soylikdan jingirtob tepaga koʻtarildi. — Oybek, Oltin vodiydan shabadalar.

jingirtob III

ot Bir-biriga kirishib, ajratish qiyin, chigal holga kelgan, jingalak holatli.

Koʻchalar gʻisht, tuproq, temir-tersak, koʻmirlangan yogʻoch, jingirtob simlar bilan toʻla edi. — Oybek, Quyosh qoraymas