жилд

jild

1 та луғатда: Изоҳли яна 7 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

жилд И

от 1. Бирор нарса устидан кийдириладиган, қоплаб қўйиладиган ғилоф.

Ёстиқ жилди. Тўшак жилди.

[

Гулнора Собирова] Қўлидаги кўрпа жилдини машинадан чиқариб, ўзи нафис қилиб солган гулларни завқланиб кўздан кечирди. — Газетадан

2. Илгариги вақтларда мактаб болалари портфел ўрнида ишлатган халта.

Эсингиз-да борми, бўйнимизга жилд осиб, Урфон мактабига қатнаган кунларимиз? — А. Қаҳҳор, Сароб

Деҳқонбой ака ҳали-ҳали кўз олдидан кетказа олмайди: Елкасида жилд. Бир бурда нон, мева-чева солинган — Газетадан

Кўк жилдимда алифбе ва бир бурда нон, Биринчи бор қадам қўйдим мактаб томон. — Э. Воҳидов, Нидо

3. Сомсанинг жиддий Сомсанинг қиймани ўраб турган, кўпинча қат-қат хамир қисми.

Мантисининг қиймасига ичак-човоқ ишлатар, сомсасининг жилдига жир, демакки ёғ ишлатар. — Муштум

Ундан кейин ошпаз йигит мудирликка келди. Аммо пармуда сомсага уста эди. Мен жилд очиб бериб турардим, у тугиб ташлайверарди. — С. Аҳмад, Ҳикоялар

жилд ИИ

от Кўп қисмли бадиий ёки илмий асарнинг ҳар бир нашр қилинган қисми; том.

Қиши билан бир неча жилд китоб ёзиш мумкин. — А. Қаҳҳор, Сароб

Минг жилд китоб ўқиб, бир жоҳилга гап топиб беролмасам, мана бу каллани нимага кўтариб юрибман? — С. Сиёев, Ёруғлик