ИЗМЕРЕНИЯ СУТОЧНЫЕ

ҳар 24 соатдан кейин буюртмачига топшириладиган маълумотномаларни ўлчаш. С.ў. геологик ва технологик тадқиқотлар стансиясидаги махсус асбоблар ва датчиклар ёрдамида бажарилади. Технологик маълумотномада бурғилаш эритмаси параметрлари (солиштирма зичлик, қовушқоқлик ва б.) ва СГТ (қ. Стансия геолого-технологических исследований) турдаги стансиялар ёрдамида қайд қилинган технологик параметрлар (роторнинг айланиш моменти, бурғилаш қурилмасининг оғирлиги ва б.) жадвалда берилади (қ. Геолого-технологические исследования). Геологик маълумотномада қудуқнинг бурғилаш чуқурлиги, стратиграфик горизонт, жинсларнинг коллекторлилик хусусиятлари, нефт ва газ намоёнланишлари, углеводородларнинг компонент таркиби ва қатламнинг башоратланаётган босими ҳамда бажарилган каротаж ишларининг турлари ва натижалари келтирилади. Керн олиш, қўшимча бажариладиган геофизик ишлар ва қатламларни синаш учун тавсиялар берилади. Геологик маълумотномага отряд геологи ва бурғилаш устаси, технологик маълумотномага катта геофизик ва бурғилаш устаси имзо чекади., Суткали ўлчашлар