изм

izm

4 та луғатда учрайди ЖСОН Шеваларда Барча қидирув натижалари

Изоҳли луғат

изм

от 1. Бошқаришда, бирон-бир ишни бажаришда ва шу кабиларда ихтиёр, эрк.

-Якшанба куни тўйи, — деди у биркесарлик қилиб. — Қизнинг изми отада. — И. Раҳим, Чин муҳаббат

Қурилишда мен бошлиқман, Бўриев. Маблағ ҳам, одамлар ҳам, жумладан, сиз ҳам менинг измимдасиз. — А. Мухтор, Туғилиш

Ҳожи бобо дўконнинг измини менга топшириб, ичкарига кириб кетди. — Ғ. Ғулом, Шум бола

2. эск. Амр, фармон; ижозат, рухсат.

-Жаноблари ҳам келдилар, — элликбоши ўтирган жойидан эълон қилди ва мирзонинг измини кутди. — Ш. Тошматов, Эрк қуши

Изм бермоқ Ижозат ёки рухсат бермоқ. Хиёл қўзғалмоқчи эди, Дадашев изм бермади. — И. Раҳим, Тақдир
Измига солмоқ Ўз ёʻлига юргизиб, ўзига бўйсундирмоқ. Механизаторлар машиналарни ўз измига солиб, пахтадан юқори ҳосил олмоқдалар. — Газетадан