istak

ot 1. Ehtiyoj his-sezgisi; xohish, mayl.

Bunga istagi yoʻq. Istagi bor. Istak bildirmoq. Oʻz istagi bilan ish qilmoq. Istagiga qarshi chiqmoq.

Insonning erkiga toʻsqinlik qilish ham, uning istak va intilishini poymol qilish ham vahshiylik. — P. Tursun, Oʻqituvchi

Lekin koʻnglida esa, koshki shunday boʻla qolsa, degan istak hukmronlik qilar edi. — S. Zunnunova, Gulxan

2. Oʻzgaga qaratilgan, kimsaga nisbatan boʻlgan yaxshi niyat; tilak.

Istak shuki, yosh avlod boʻlsin Kelgusining husni va naqshi. — E. Rahim

choʻponni tabriklashdi, yaxshi istaklar bildirishdi. — Gazetadan

ot Tok poyalarini bogʻlash uchun ishlatiladigan novda (asosan, tol novda-si).

Bogʻ ochilganiga bir hafta boʻldi, bogʻbonning qoʻlida istak. — S. Ahmad, Kolxozda bahor

Uzoq oʻylab oʻtirmay, tut, qayragʻoch va tol kabi daraxtlardan istak chilpidim Istaklarni belbogʻimga qistirib, ishkomga kirdim. — A. Qodiriy, Jinlar bazmi