ИССЛЕДОВАНИЯ ОРГАНИЧЕСКОГО ВЕЩЕСТВА ПОДЗЕМНЫХ ВОД

нефт-газ конларидаги ер ости сувларида органик моддалар консентрациясининг тақсимланиш қонуниятларини ва таркибининг ўзгаришини ўрганиш. Ер ости сувларида органик моддаларнинг кўчиб юриш шароитини ўрганиш орқали нефт ва газ уюмларини ҳосил бўлиш ва жойлашиш шароитлари ҳақида фикр юритиш мумкин бўлади. Йирик ҳудудларнинг нефт-газлилигини башоратлаш мақсадида қуйидаги ёʻналишларда тадқиқотлар олиб бориш лозим: а) ер ости сувларидаги органик моддаларнинг тақсимланиши регионал қонуниятларини белгилаш; кесим бўйлаб жинслардаги битумоидлар таркибининг ўзгаришини аниқлаш, ер ости сувларининг кимёвий таркиби ва минераллашганлиги, эриган нефт ва эркин газлар таркиби ҳамда турли геологик, гидродинамик, геокимёвий ва термодинамик шароитлардаги ер ости сувлари микробиоценозлари билан уларнинг ўзаро боғлиқлигини аниқлаш; б) ер ости сувларидаги органик моддалар шаклини ўрганиш; в) ер ости сувларига органик моддаларнинг қўшилиш механизмини аниқлаш; г) нефт ва газ ҳосил бўлиши, нефт ва газ уюмларининг шаклланиши ва бузилишининг турли шароитларида ер ости сувларида органик моддаларнинг кўчиш ва чўкиш шароитларини аниқлаш; д) нефт, газ, газконденсат уюмларининг якка структураларда ҳамда регионал миқёсда тарқалиш истиқболини баҳолашда самарали излов кўрсаткичлари мажмуасини аниқлаш. Ye.o.s.o.m.t.ning асосий вазифаларига, шунингдек, қуйидагиларни киритиш мумкин: юқори минераллашган сувлар ва намакоблардаги органик моддаларнинг миқдорий кимёвий таҳлили усулларини такомиллаштириш; айрим гуруҳга кирувчи бирикмалар ва уларнинг хусусий намоёндаларини тенглаштириш; замонавий хроматография ва спектрал таҳлил усулларидан фойдаланиш, модел қурилмаларида бажариладиган илмий тажрибаларни кенгайтириш, жинслардаги органик моддаларнинг сувда эрийдиган қисми тадқиқотини кенгайтириш ва ш.к., Ер ости сувларидаги органик моддалар тадқиқоти