ИССЛЕДОВАНИЯ ОРГАНИЧЕСКОГО ВЕЩЕСТВА ПОДЗЕМНЫХ ВОД

neft-gaz konlaridagi yer osti suvlarida organik moddalar konsentratsiyasining taqsimlanish qonuniyatlarini va tarkibining oʻzgarishini oʻrganish. Yer osti suvlarida organik moddalarning koʻchib yurish sharoitini oʻrganish orqali neft va gaz uyumlarini hosil boʻlish va joylashish sharoitlari haqida fikr yuritish mumkin boʻladi. Yirik hududlarning neft-gazliligini bashoratlash maqsadida quyidagi yoʻnalishlarda tadqiqotlar olib borish lozim: a) yer osti suvlaridagi organik moddalarning taqsimlanishi regional qonuniyatlarini belgilash; kesim boʻylab jinslardagi bitumoidlar tarkibining oʻzgarishini aniqlash, yer osti suvlarining kimyoviy tarkibi va minerallashganligi, erigan neft va erkin gazlar tarkibi hamda turli geologik, gidrodinamik, geokimyoviy va termodinamik sharoitlardagi yer osti suvlari mikrobiotsenozlari bilan ularning oʻzaro bogʻliqligini aniqlash; b) yer osti suvlaridagi organik moddalar shaklini oʻrganish; v) yer osti suvlariga organik moddalarning qoʻshilish mexanizmini aniqlash; g) neft va gaz hosil boʻlishi, neft va gaz uyumlarining shakllanishi va buzilishining turli sharoitlarida yer osti suvlarida organik moddalarning koʻchish va choʻkish sharoitlarini aniqlash; d) neft, gaz, gazkondensat uyumlarining yakka strukturalarda hamda regional miqyosda tarqalish istiqbolini baholashda samarali izlov koʻrsatkichlari majmuasini aniqlash. Ye.o.s.o.m.t.ning asosiy vazifalariga, shuningdek, quyidagilarni kiritish mumkin: yuqori minerallashgan suvlar va namakoblardagi organik moddalarning miqdoriy kimyoviy tahlili usullarini takomillashtirish; ayrim guruhga kiruvchi birikmalar va ularning xususiy namoyondalarini tenglashtirish; zamonaviy xromatografiya va spektral tahlil usullaridan foydalanish, model qurilmalarida bajariladigan ilmiy tajribalarni kengaytirish, jinslardagi organik moddalarning suvda eriydigan qismi tadqiqotini kengaytirish va sh.k., Yer osti suvlaridagi organik moddalar tadqiqoti