ishlab chiquvchi

1. Dasturiy taʼminotni ishlab chiquvchi (ingl. software developer, software engineer). Informatika, loyihalarni boshqarish, matematika, injeneriya va bilimning boshqa sohalaridan texnologiyalar, uslubiyat va amaliyotdan foydalangan holda dasturiy taʼminotni yaratish va uning ishini qoʻllab-quvvatlash bilan shugʻullanuvchi shaxs.английскийdeveloperрусскийразработчик

2. Veb ishlab chiquvchi (ingl. web developer). Veb-sayt yoki veb-qoʻllanmani yaratish, jumladan, veb-dizayn, elektron tijorat qoʻllanmalarini ishlab chiqish, veb-serverni konfiguratsiyalash, mijoz va server tomonida veb uchun dasturlash bilan shugʻullanuvchi shaxs.

3. Maʼlumotlar bazasini ishlab chiquvchi (ingl. database developer). Tashkilot maʼlumotlar bazalarini tashkillashtirish va yurgizish uchun moʻljallangan dasturiy taʼminotni ishlab chiqish bilan shugʻullanuvchi shaxs.