isbot

ot 1. Fikr, daʼvo, faraz va shu kabilarning toʻgʻriligini yoki yuz bergan hodisaning chinligini tasdiqlovchi fakt, dalil.

— Egrilikka olmang, Zaynab, — dedi Kumush. — Men bu gapni yonimda erim bor boʻlganda kirma, deb aytmadim, balki boyagi soʻzimning isboti uchun aytdim. — A. Qodiriy, Oʻtgan kunlar

Soʻnggi 74 yillik tariximizda boʻlib oʻtgan barcha qirgʻin va qatagʻonliklarning birinchi qurbonlari ziyolilar boʻlgani buning isbotidir. — E. Yusupov, Istiqlol yoʻlida

2. mnt. mat. Biror qoida yoki daʼvoning toʻgʻriligini boshqa maʼlum qoidalar asosida, mantiqiy mulohaza va dalillar bilan tasdiqlash usuli, tizimi.

Pifagor teoremasining isboti.