иқтисод

от 1. Сарф-харажатда тежамкорлик, тежаб (асраб) қолиш.

Ишга омилкорлик билан ёндашиш, иқтисод ва тежамкорликда шахсий намуна кўрсатиш — шу куннинг талаби. — Газетадан

2. с. т. Ейиш-ичиш; ейиш-ичиш билан боғлиқ ҳолат.

Оилада жанжал асосан иқтисод хусусида чиқади. — Ф. Мусажонов, Ҳиммат

— Хўш, энди иқтисодга ўтайлик, — йигит ён дафтар билан қаламни қўлига олди. — Қани, кўнгиллари нимани хоҳлайди? — Муштум

3. айн. Иқтисодиёт.

Жаҳон иқтисоди ва дипломатия университетининг Бизнес олами ўқув маркази Янги йил олди чиқишлари ток-шоусини ўтказади. — Газетадан

Демак, бу сиёсатни амалга оширмоқ учун иқтисод илмини сирларини билмоқ керак. — Газетадан