iqtisod

ot 1. Sarf-xarajatda tejamkorlik, tejab (asrab) qolish.

Ishga omilkorlik bilan yondashish, iqtisod va tejamkorlikda shaxsiy namuna koʻrsatish — shu kunning talabi. — Gazetadan

2. s. t. Yeyish-ichish; yeyish-ichish bilan bogʻliq holat.

Oilada janjal asosan iqtisod xususida chiqadi. — F. Musajonov, Himmat

— Xoʻsh, endi iqtisodga oʻtaylik, — yigit yon daftar bilan qalamni qoʻliga oldi. — Qani, koʻngillari nimani xohlaydi? — Mushtum

3. ayn. Iqtisodiyot.

Jahon iqtisodi va diplomatiya universitetining Biznes olami oʻquv markazi Yangi yil oldi chiqishlari tok-shousini oʻtkazadi. — Gazetadan

Demak, bu siyosatni amalga oshirmoq uchun iqtisod ilmini sirlarini bilmoq kerak. — Gazetadan