ИП телефония

Интернет ёки бошқа ИП тармоқни айни вақтдаги халқаро ва шаҳарлараро телефон сўзлашувлари ва факсларни жўнатишни ташкил этиш ва амалга ошириш воситаси сифатида қўлланилишини таъминловчи технология. Бунинг учун товуш рақамли шаклга ўтказилиб рақамли маълумотлар узатиладиган тарзда узатилади. Одатда халқаро ва шаҳарлараро сўзлашувлар кўплаб оралиқ телефон стансиялари орқали амалга оширилиб, ҳар бир стансия коммутация учун ўз нархини қўшади ва бу сўзлашув нархининг ошишига олиб келади. Интернет орқали амалга оширилган сўзлашувлар телефон стансиялари тарификациясига учрамайди. Шу билан бирга, ИП телефониясида товуш сифати, секинлик, зичлаш алгоритми ва хизмат сифати каби муаммолар мавжуд.