IP telefoniya

Internet yoki boshqa IP tarmoqni ayni vaqtdagi xalqaro va shaharlararo telefon soʻzlashuvlari va fakslarni joʻnatishni tashkil etish va amalga oshirish vositasi sifatida qoʻllanilishini taʼminlovchi texnologiya. Buning uchun tovush raqamli shaklga oʻtkazilib raqamli maʼlumotlar uzatiladigan tarzda uzatiladi. Odatda xalqaro va shaharlararo soʻzlashuvlar koʻplab oraliq telefon stansiyalari orqali amalga oshirilib, har bir stansiya kommutatsiya uchun oʻz narxini qoʻshadi va bu soʻzlashuv narxining oshishiga olib keladi. Internet orqali amalga oshirilgan soʻzlashuvlar telefon stansiyalari tarifikatsiyasiga uchramaydi. Shu bilan birga, IP telefoniyasida tovush sifati, sekinlik, zichlash algoritmi va xizmat sifati kabi muammolar mavjud.