informatika

ot Informatsiya (maʼlumot-axborotlar)ning umumiy xossalari, tuzilish qonuniyatlari, uni izlash, uzatish, saqlash, qayta ishlash va inson faoliyatining turli sohalarida qoʻllash metodlari haqidagi fan sohasi.

Informatika ogʻirroq, murakkabroq fan boʻlganligi tufayli mashgʻulotlarda oʻyin vositalaridan foydalanish ham yaxshi natija beradi. — Gazetadan

1. Axborot xususiyatlari va uni taqdim etish, toʻplash, avtomatik ishlov berish va uzatish usullarini oʻrganuvchi ilmiy yoʻnalish. Informatikaga hisoblash texnikasini yaratish va undan foydalanish bilan bogʻliq boʻlgan turli masalalar bilan shugʻullanuvchi fanlar guruhi kiradi: amaliy matematika, dasturlash, sunʼiy tafakkur, kompyuter arxitekturasi, hisoblash tarmoqlari va h.k.inglizchainformaticsruschaинформатика

2. Axborotning tabiat va jamiyatda harakatlanishi qonuniyatlari va shakllari toʻgʻrisidagi fan. Fanlararo tavsifga ega murakkab ilmiy yoʻnalish. Bugungi kunda ilmiy bilimning axborot jarayonlari, axborotni olish, oʻzgartirish, uzatish, saqlash va undan foydalanish usullari va vositalarini oʻrganuvchi asosiy sohalaridan biridir. Inson amaliy faoliyatida axborot texnologiyalaridan foydalanishi bilan bogʻliq boʻlgan jadal rivojlanuvchi va muntazam kengayuvchi soha.

3. Inson faoliyatining barcha sohalarida axborot, axborot jarayonlari va axborot tizimlarini oʻrganuvchi fan.

1. EHM va boshqa texnik vositalar yordamida axborotlarni oʻrganish qonunlari, toʻplash metodlari, qayta ishlash va uzatish qonunlarini oʻrganish bilan shugʻullanadigan ilmiy yoʻnalish

2. EHMni qoʻllash va ishlab chiqishning turli aspektlari bilan shugʻullanadigan fanlar guruhi: amaliy matematika, dasturiy taʼminot, sunʼiy intellekt va boshq.

n information science (technology), informatics, computer science