ИНЕРТНЫЕ НАПОЛНИТЕЛИ

бурғилаш эритмаси ҳаракати тезлигини пасайтириш учун қўланиладиган моддалар. Асосан заррали, толали, пластина ва тангача шаклидаги I.t.dan фойдаланилади. Селлофан — юпқа (қалинлиги 25— 60 мк) тиниқ пленка, майдаланган селлофан заррачаларидан (0,25—12 мм) иборат, зичлиги 1,15 г/см³, намлиги 7—14%. Чарм — «нўхат» — чарм саноати чиқиндиси. «Нўхат» майда бўлакчалардан иборат бўлиб, кесими 10х10 ва 8х9 мм ли «Трясун» элагида эланиши зарур, ҳар хил аралашмалардан холи, намлиги 30% дан кўп бўлмаслиги лозим. Пишиқ ип толаси — кимё саноати чиқиндиси бўлиб, узунлиги 10—20 мм ли ип газлама толаларидан иборат. Майдаланган резина билан аралаштириб ишлатилади. Тангача шаклидаги слюда — слюда фабрикалари маҳсулоти — турли шаклдаги пластинкалардан таркиб топган. Ўлчами: 7х7 мм ли элакдан ўтказилганда 60%, 4х4 мм — 30% дан кўп қолмаслиги зарур. Тангачалар қалинлиги 30—200 мм, зичлиги 2,8—3,2 г/см³, намлиги 5% бўлиши керак. Керамзит — ўлчами 0,5 дан 2,5 мм гача, юмалоқ шаклдаги тўлдиргич. Бурғилаш эритмалари ва тампонаж аралашмаларига қўшиладиган керамзитлар ўлчами 5 мм дан катта бўлмаслиги лозим. Резина увоқлари — резина заводлари чиқиндиси. Ўлчами 8 мм гача бўлганлари бурғилаш ёки семент эритмаларига аралаштирилиб қудуққа ҳайдашда, 25 мм — бурғилаш ёки семент эритмаларига қўшиб қудуққа воронка билан қуйишда ишлатилади., Инерт тўлдиргичлар