ИНЕРТНЫЕ НАПОЛНИТЕЛИ

burgʻilash eritmasi harakati tezligini pasaytirish uchun qoʻlaniladigan moddalar. Asosan zarrali, tolali, plastina va tangacha shaklidagi I.t.dan foydalaniladi. Sellofan — yupqa (qalinligi 25— 60 mk) tiniq plenka, maydalangan sellofan zarrachalaridan (0,25—12 mm) iborat, zichligi 1,15 g/sm³, namligi 7—14%. Charm — «noʻxat» — charm sanoati chiqindisi. «Noʻxat» mayda boʻlakchalardan iborat boʻlib, kesimi 10x10 va 8x9 mm li «Tryasun» elagida elanishi zarur, har xil aralashmalardan xoli, namligi 30% dan koʻp boʻlmasligi lozim. Pishiq ip tolasi — kimyo sanoati chiqindisi boʻlib, uzunligi 10—20 mm li ip gazlama tolalaridan iborat. Maydalangan rezina bilan aralashtirib ishlatiladi. Tangacha shaklidagi slyuda — slyuda fabrikalari mahsuloti — turli shakldagi plastinkalardan tarkib topgan. Oʻlchami: 7x7 mm li elakdan oʻtkazilganda 60%, 4x4 mm — 30% dan koʻp qolmasligi zarur. Tangachalar qalinligi 30—200 mm, zichligi 2,8—3,2 g/sm³, namligi 5% boʻlishi kerak. Keramzit — oʻlchami 0,5 dan 2,5 mm gacha, yumaloq shakldagi toʻldirgich. Burgʻilash eritmalari va tamponaj aralashmalariga qoʻshiladigan keramzitlar oʻlchami 5 mm dan katta boʻlmasligi lozim. Rezina uvoqlari — rezina zavodlari chiqindisi. Oʻlchami 8 mm gacha boʻlganlari burgʻilash yoki sement eritmalariga aralashtirilib quduqqa haydashda, 25 mm — burgʻilash yoki sement eritmalariga qoʻshib quduqqa voronka bilan quyishda ishlatiladi., Inert toʻldirgichlar