ИНДИКАТОР ВЕСА

kryukka osilib turgan burgʻilash quvurining ogʻirligini dolotaga boʻlgan taʼsir kuchini aniqlovchi asbob. Burgʻilash jarayonida O.i. oʻq kuchini dolotaga taʼsirini, osma lebedkaga favvora paytida va quduq devorida salnik hosil boʻlganda tushadigan yuk miqdorini koʻrsatib beradi. Indikatordagi oʻzi yozuvchi diagramma orqali, bir sutkada qilingan ishlarni, quvurlarni koʻtarib-tushirish, dolotani almashtirish, gil eritmasini harakatlantirish, shu bilan birga burgʻilash jarayonini koʻrsatadi. Diskka taʼsir qiluvchi yoʻnaltiruvchi kuch osma poʻlat arqonning egilishiga qarab oʻlchanadi. Transformator oʻrtasidagi rolikka taʼsir qiluvchi kuchning 10—15% i arqonning tortilish kuchidan hosil boʻladi. Membranaga taʼsir qiluvchi kuch ham bosim hosil qiladi, uning qiymati oʻzi koʻrsatuvchi yoki yozuvchi manometrda oʻlchanadi. Koʻrsatuvchi manometr maxsus yashikka solinib, burgʻilovchining qarshisiga 2,5—3 m balandlikka, Verner manometri esa shu manometr yoniga oʻrnatiladi. Verner manometridan olingan oʻlchov natijasi yuqori aniqlikka ega. Qayd qiluvchi manometr maxsus yopiq yashikka oʻrnatilib, alohida yerdan koʻtarilgan moslamaga oʻrnatiladi, chunki u minoraning poli yoki devoriga tegmasligi kerak. O.i. 1", 1,125", Ogʻirlik indikatori