ИНДИКАТОР ВЕСА

крюкка осилиб турган бурғилаш қувурининг оғирлигини долотага бўлган таъсир кучини аниқловчи асбоб. Бурғилаш жараёнида О.и. ўқ кучини долотага таъсирини, осма лебедкага фаввора пайтида ва қудуқ деворида салник ҳосил бўлганда тушадиган юк миқдорини кўрсатиб беради. Индикатордаги ўзи ёзувчи диаграмма орқали, бир суткада қилинган ишларни, қувурларни кўтариб-тушириш, долотани алмаштириш, гил эритмасини ҳаракатлантириш, шу билан бирга бурғилаш жараёнини кўрсатади. Дискка таъсир қилувчи ёʻналтирувчи куч осма пўлат арқоннинг эгилишига қараб ўлчанади. Трансформатор ўртасидаги роликка таъсир қилувчи кучнинг 10—15% и арқоннинг тортилиш кучидан ҳосил бўлади. Мембранага таъсир қилувчи куч ҳам босим ҳосил қилади, унинг қиймати ўзи кўрсатувчи ёки ёзувчи манометрда ўлчанади. Кўрсатувчи манометр махсус яшикка солиниб, бурғиловчининг қаршисига 2,5—3 м баландликка, Вернер манометри эса шу манометр ёнига ўрнатилади. Вернер манометридан олинган ўлчов натижаси юқори аниқликка эга. Қайд қилувчи манометр махсус ёпиқ яшикка ўрнатилиб, алоҳида ердан кўтарилган мосламага ўрнатилади, чунки у миноранинг поли ёки деворига тегмаслиги керак. О.и. 1", 1,125", Оғирлик индикатори