илтимос

iltimos

1 та луғатда: Изоҳли яна 7 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

илтимос

от 1. Муддаони (мақсад, истакни) қондириш ҳақида қилинган мурожаат, сўраш.

Меъмор шогирдларининг илтимоси билан атай икки қатор ғиштни айлантириб терди. — Мирмуҳсин, Меъмор

Амирзодам ҳозир беҳад бандлар, мавлоно, балки илтимосингизни менга айтурсиз? — П. Қодиров, Юлдузли тунлар

2. Шундай сўраш, талабни қайд этувчи мурожаат шакли.

Илтимос, коридорга тупурилмасин. — С. Сиёев, Ёруғлик

— Илтимос, сиз қолинг, — деди Гавҳар яна ялиниб. — Ў. Ҳошимов, Қалбингга қулоқ сол

Илтимос қилмоқ Сўрамоқ, илтимос билан мурожаат этмоқ. қиш чиққанича Мадраса қурилишида хизмат қилсам деб илтимос қилди. — Мирмуҳсин, Меъмор