ideal

sft. 1. Jamiyatning, shaxsning eng oliy maqsadi, eng yuksak orzu va tilak.

Ideal — jamiyatning yuksak va olijanob maqsadi, kelajakda koʻzlangan gʻoyasi. — Gazetadan

Ijtimoiy ideal misoli mayoq boʻlib, jamiyat qayoqqa va qanday maqsadda qadam otishida gʻoyaviy-mafkuraviy va maʼnaviy-ruhiy yoʻl koʻrsatib turishi mumkin. — Gazetadan

2. Har jihatdan barkamol, mukammal, xayolan orzu qilinadigan, lekin hali hayotda mavjud boʻlmagan narsa, hodisa.

Uning ideali — yoqtirgan qizini oʻz taʼsiriga olib, oʻz qadrini yerga urmay sevilmoq edi. — P. Qodirov, Uch ildiz

3. sft. Olijanob, namuna boʻladigan, orzu-maqsadga mos, muvofiq keluvchi.

Ideal obraz. Ideal sharoit.

Maʼnaviyat qahramoni boʻlgani tufayli u xalqning ideal qahramoniga aylandi. — Gazetadan